မန္တလေးတိုင်းဒေသကြီး၊ မိတ္ထီလာမြို့နယ် သရက်ပင်(အရှေ့)ကျေးရွာ၌ Cash For Work စီမံကိန်း မိတ်ဆက်ရှင်းလင်းခြင်းနှင့် ကျေးရွာဖွံ့ဖြိုးရေးကော်မတီဖွဲ့စည်းခြင်းများကို ဇွန်လ (၂၁)ရက်နေ့တွင် အဆိုပါကျေးရွာ၌ ဆောင်ရွက်သည်။
ရှေးဦးစွာ Cash For Work စီမံကိန်းနှင့် ပတ်သက်၍ မြို့နယ်ကျေးလက်ဒေသ ဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်ခင်မျိုးမျိုးလတ်က ၂၀၂၂-၂၀၂၃ ဘဏ္ဍာရေးနှစ်တွင် မြို့နယ်အတွင်း၌ သရက်ပင်(အရှေ့)ကျေးရွာတွက် အကောင်အထည်ဖော် ဆောင်ရွက်သွားမည် ဖြစ်ကြောင်း၊ ယင်းသို့အကောင်အထည်ဖော် ဆောင်ရွက်ရာတွင် ထောက်ပံ့ရန်ပုံငွေ ကျပ်သိန်း(၁၀၀) ဖြင့် သတ်မှတ်ချက်နှင့်ကိုက်ညီသော ကျေးရွာ၏လိုအပ်ချက်များကို ကျေးရွာလူထုကိုယ်တိုင် အကောင်အထည်ဖော်ဆောင်ရွက်ခြင်း ဖြစ်ကြောင်း ပြောကြားသည်။
ယင်းနောက် ကျေးရွာလူထု၏ ဆန္ဒဖြင့် ကျေးရွာဖွံ့ဖြိုးရေးကော်မတီကို ဖွဲ့စည်းခဲ့ ကြောင်း သိရသည်။
၂၀၂၂-၂၀၂၃ ခုဘဏ္ဍာရေးနှစ်တွင် Cash For Work စီမံကိန်း အကောင်အထည်ဖော် ဆောင်ရွက်မည့် သရက်ပင်(အရှေ့)ကျေးရွာတွင် အိမ်ခြေ (၁၀၂)အိမ်၊ အိမ်ထောင်စု (၁၀၂)စု၊ လူဦးရေ (၅၉၆)ဦး ရှိကြောင်း သိရသည်။
