မကွေး မေ ၁၆
သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနက ကြီးမှူးပြီး မကွေးမြို့နယ်၌ "အသက်မွေးဝမ်းကျောင်းအထောက်အကူပြုလက်သမား/ပန်းရံသင်တန်း"ဖွင့်ပွဲကို မေ ၁၅ ရက်နေ့ နံနက် ၉ နာရီက မကွေးခရိုင်ကျေးလက်ဒေသဖွံဖြိုးတိုးတက်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ကြောင်းသိရသည်။
ပထမဦးစွာ မကွေးခရိုင်ကျေးလက်ဒေသဖွံဖြိုးတိုးတက်ရေးဦးစီးဌာန ဦးစီးမှူး ဦးကျော်ဇောဟိန်းက အဖွင့်အမှာစကားပြောကြားပြီး မကွေးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ဦးစီးမှူး ဒေါ်တင်တင်စိုးက ကျေးလက်နေပြည်သူ အလုပ်အကိုင်အခွင့်အလှမ်းရရှိစေရန်ရည်ရွယ်၍ အသက်မွေးဝမ်းကျောင်းအထောက်အကူပြု လက်သမား/ပန်းရံသင်တန်းကို ဖွင့်လှစ်ရခြင်းဖြစ်ကြောင်း ရှင်းလင်းတင်ပြသည်။
ဆက်လက်၍ သင်တန်းနည်းပြဆရာမှ သင်တန်းတွင် ပို့ချမည့် ဘာသာရပ်များအား ရှင်းလင်းတင်ပြပြီး သင်တန်းသားများက တစ်ဦးချင်း မိတ်ဆက်စကားပြောကြားကြသည်။
မကွေးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံး၌ ဖွင့်လှစ်သည့် အသက်မွေးဝမ်းကျောင်းအထောက်အကူပြု လက်သမား/ပန်းရံသင်တန်းကို မေလ ၁၅ ရက်နေ့မှ ၂၉ ရက်နေ့ထိ ၁၅ ရက်ကြာ ဖွင့်လှစ်သင်ကြားသွားမည်ဖြစ်ပြီး မြင်ကင်းကျေးရွာ၊ ချောင်းဖြူကျေးရွာ၊ မယ်လှတောင်ကျေးရွာ၊ သေင်္ဘာ ဆိပ်ကျေးရွာတို့မှ သင်တန်းသား ၂၅ ဦး တက်ရောက်ခဲ့ကြောင်း မကွေးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။
အထွေး
