(၇၇)နှစ်မြောက် ပြည်ထောင်စုနေ့ကိုကြိုဆိုဂုဏ်ပြုသောအားဖြင့် မှော်ဘီမြို့နယ်၊ သန္ဓေပင် ကျေးရွာအုပ်စု၊ ထိန်စွန်းကျေးရွာတွင်း လမ်းသစ်ဖွင့်ပွဲကို ဖေဖော်ဝါရီ(၈)ရက် နံနက်ပိုင်းက ကျင်းပခဲ့သည်။ ဖွင့်ပွဲအခမ်းအနားတွင် မှော်ဘီမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးတင်စိုးက စီမံကိန်းလုပ်ငန်းများနှင့်ပတ်သက်၍ ရှင်းလင်းပြောကြားခဲ့ပြီး မှော်ဘီမြို့နယ်စီမံ အုပ်ချုပ် ရေးအဖွဲ့ဥက္ကဌ ဦးဖြိုးအောင်ကြည်၊ မြို့နယ်စီမံအုပ်ချုပ်ရေးအဖွဲ့ဝင်(၂)ဦးဝင်းစိုး၊ သန္ဓေပင်ကျေးရွာ အုပ်ချုပ်ရေးမှူးဦးမြင့်အေးနှင့်ကျေးရွာဖွံ့ဖြိုး ရေးလုပ်ငန်းကော်မတီဥက္ကဌ ဦးဝင်းမောင်တို့က ကွန်ကရစ် လမ်းကိုဖဲကြိုးဖြတ်ဖွင့်လှစ်ပေးခဲ့ပြီး ခရိုင် စီမံအုပ်ချုပ်ရေးအဖွဲ့ အဖွဲ့ဝင်(၁) ဒုတိယဗိုလ်မှူးကြီး ဝေမိုးအောင်၊ ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူးနှင့် တာဝန်ရှိသူများက ကွန်ကရစ်လမ်းကို ကြည့်ရှုစစ်ဆေးခဲ့ကြောင်းသိရပါသည်။
