သာစည်မြို့နယ်၌ ခေတ်မီစံပြကျေးရွာထူထောင်ခြင်းစီမံကိန်း (Smart Village) ကျေးရွာဖြစ်သော ကြက်မောက်ကျေးရွာတွင် ကဏ္ဍအလိုက်သက်ဆိုင်ရာဌာနများမှ အသိပညာပေးဟောပြောပွဲကျင်းပခြင်း
မန္တလေးတိုင်းဒေသကြီး၊ မိတ္ထီလာခရိုင်၊ သာစည်မြို့နယ် ကျေးလက်ဒေသဖွံ့ဖြိုး တိုးတက်ရေးဦးစီးဌာနမှ ၂၀၂၃-၂၀၂၄ခုဘဏ္ဍာရေးနှစ်တွင် အကောင်အထည်ဖော်ဆောင် ရွက်သော ခေတ်မီစံပြကျေးရွာထူထောင်ခြင်းစီမံကိန်း (Smart Village) ကျေးရွာဖြစ်သော ကြက်မောက်ကျေးရွာတွင် ကဏ္ဍအလိုက်သက်ဆိုင်ရာဌာနများမှ အသိပညာပေးဟောပြောပွဲ
ကျင်းပခဲ့ပါသည်။
ထိုသို့ အသိပညာဟောပြောပွဲကျင်းပရာတွင် ခေတ်မီစံပြကျေးရွာထူထောင်ခြင်း စီမံကိန်း (Smart Village) ကျေးရွာဖြစ်သော ကြက်မောက်ကျေးရွာ၌သာစည်မြို့နယ် မိခင်နှင့်ကလေးစောင့်ရှောက်ရေးအဖွဲ့နှင့် အမျိုးသမီးရေးရာအဖွဲ့များမှ ကျန်းမာရေးနှင့် ပတ်သတ်ပြီးဆောင်ရန်/ရှောင်ရန် အသိပညာဗဟုသုတများ တိုးပွားလာစေရန်ပညာပေး ဟောပြောခြင်း၊သက်ကြီးဘိုးဘွားမျာ၊ (၅)နှစ်အောက်ခလေးများနှင့် ကိုယ်ဝန်ဆောင်မိခင် များအားကျန်းမာရေးစောင့်ရှောက်မှုအသိပညာပေးဟောပြောဆွေးနွေးပွဲနှင့် နို့တိုက်မိခင်များအား အာဟာရပြည့်ဝစေမည့် ကြက်ဥများဝေငှ ထောက်ပံ့ခြင်း၊အမျိုးသမီးဆိုင်ရာကျန်းမာရေး ဗဟုသုတများအား သက်ဆိုင်ရာဌာနများမှ တာဝန်ရှိသူများက ဆွေးနွေးပြောကြားခဲ့ပါသည်။
