ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် ကျေးလက်ဒေသဖွံ့ဖြိုးတိုးတက် ရေးဦးစီးဌာနမှ တော်လန်းကျေးရွာ၌ မြစိမ်းရောင်ကျေးရွာစီမံကိန်း(ဆီထွက်သီးနှံ) ရန်ပုံငွေ ဒုတိယအကြိမ်ထုတ်ချေးခြင်းကို ယနေ့နံနက်ပိုင်းက အဆိုပါကျေးရွာ၌ ကျင်းပပြုလုပ်ခဲ့ကြောင်း သိရသည်။
ယင်းသို့ထုတ်ချေးရာတွင် ကွမ်းခြံကုန်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်စုသီတာလင်းက စီမံကိန်းဆောင်ရွက်ခြင်း၏ ရည်ရွယ်ချက်များ အကျိုးကျေးဇူးများနှင့် စီမံကိန်းအကြောင်းအရာ များ အတိုးနှုန်းနှင့် ကာလသတ်မှတ်ချက်များ လိုက်နာရမည့် စည်းမျဉ်းစည်းကမ်းများ ရန်ပုံငွေထုတ်ချေးသည့် အစီအစဉ်များကို ရှင်းလင်း ပြောကြားသည်။
ထို့နောက် မြို့နယ်ဦးစီးမှူးနှင့် တာဝန်ရှိသူများက ကျေးရွာမြစိမ်းရောင်စီမံကိန်း (ဆီထွက်သီးနှံ) လုပ်ငန်း အဖွဲ့ဝင်များထံသို့ စီမံကိန်းရန်ပုံငွေ ကျပ် ၁၀.၂၉၆သန်း လွှဲပြောင်းပေးအပ်ခဲ့ကြပြီး မြစိမ်းရောင်ကျေးရွာစီမံကိန်း (ဆီထွက်သီးနှံ) လုပ်ငန်းအဖွဲ့ဝင်များက ကျေးရွာရှိနေကြာစိုက်တောင်သူ ၁၈ဦးထံသို့ စီမံကိန်းရန်ပုံငွေ ပေးအပ်ခြင်း ကို လိုက်ပါကြီးကြပ် ဆောင်ရွက်ပေးခဲ့ကြသည်။
