ပြင်ဉီးလွင်မြို့နယ် ညောင်သာယာကျေးရွာတွင် အသက်မွေးဝမ်းကျောင်းအထောက်အကူပြုတန်ဖိုးမြှင့်စားသောက်ကုန်ထုတ်လုပ်မှုနည်းပညာသင်တန်းဖွင့်လှစ်
ပြင်ဦးလွင် ဇန်နဝါရီလ ၃ ရက်
ပြင်ဦးလွင်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၃-၂၀၂၄ခု၊ ဘဏ္ဍာရေးနှစ် တွင် အသက်မွေးဝမ်းကျောင်းအထောက်အကူပြု တန်ဖိုးမြှင့်စားသောက်ကုန်ထုတ်လုပ်မှုနည်းပညာ သင်တန်းဖွင့်ပွဲအခမ်းအနားအား (၂၆.၁၂.၂၀၂၃) ရက်နေ့တွင် ပြင်ဦးလွင်မြို့နယ် ၊ ဝက်ဝံကျေးရွာအုပ်စု ညောင်သာယာကျေးရွာတွင် ဖွင့်လှစ်ဆောင်ရွက်ခဲ့ပါသည်။
အဆိုပါ အသက်မွေးဝမ်းကျောင်းအထောက်အကူပြု တန်ဖိုးမြှင့်စားသောက်ကုန်ထုတ်လုပ်မှု နည်းပညာသင်တန်းအား ပြင်ဦးလွင်မြို့နယ် ၊ ဝက်ဝံကျေးရွာအုပ်စု ၊ ညောင်သာယာကျေးရွာတွင် သင်တန်းသူ(၁၀)ဦးဖြင့် (၂၆.၁၂.၂၀၂၃)ရက်နေ့မှ (၄.၁.၂၀၂၃)ရက်နေ့အထိ (၁၀) ရက်ကြာ ဖွင့်လှစ် ဆောင်ရွက်သွားမည်ဖြစ်ပါသည်။
သင်တန်းဖွင့်ပွဲအခမ်းအနားတွင် ပြင်ဦးလွင်မြို့နယ်ကျေးလက်ဒေသဖွံ့ဖြိုးတိုးတက်ရေး ဦးစီး ဌာနမှ မြို့နယ်ဦးစီးမှူး ဦးထိုက်မှ အဆိုပါသင်တန်းဖွင့်လှစ်ရခြင်းမှာ ကျေးလက်ဒေသတွင် အသေးစား /အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်လာစေရန်နှင့် ကျေးလက်နေပြည်သူ များ မိသားစုဝင်ငွေတိုးပွားလာစေရန် ရည်ရွယ်ခြင်းဖြစ်ကြောင်း ပြောကြားဆွေးနွေးခဲ့ပါသည်။
