ရန်ကုန်တိုင်းဒေသကြီး သန်လျင်ခရိုင် သုံးခွမြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာနက တိုင်းဒေသကြီးအစိုးရအဖွဲ့ ရန်ပုံငွေဖြင့် Sein Tan Tine Co.ltd မှ ပုလဲကျေးရွာတွင် စက်ရေတွင်း၊ လေးလက်မခွဲပိုက်၊ ပေ ၆၀၀ တူးဖော်ခြင်း၊ ရေစက်ရုံ(၁၀’၈’၈’)နှင့် (၁၀’၁၀’၄’) လုပ်ငန်းများ ဆောင်ရွက်လျက်ရှိကြောင်း သိရသည်။

          လုပ်ငန်းခွင်သို့ သန်လျင်ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်စိုးစိုးမြင့်နှင့်အင်ဂျင်နီယာအဖွဲ့၊ သုံးခွမြို့နယ် မြို့နယ်ဦးစီးမှူး ဒေါ်ခင်နှင်းချို၊ တာဝန်ခံ အင်ဂျင်နီယာ အဖွဲ့တို့သည် ဒီဇင်ဘာ ၂၀ ရက် ညနေ ၃ နာရီက ကွင်းဆင်းကြည့်ရှုစစ်ဆေးခဲ့ပြီး တာဝန်ရှိသူများအား လုပ်ငန်းကို အရည်အသွေးစံချိန်စံညွှန်း ပြည့်မီစေရေး၊ သတ်မှတ်ရက်ပြီးစီးစေ ရေး စေတနာအလေးထား လုပ်ဆောင်ကြရန်နှင့် ကျေးရွာရေကော်မတီများအား လုပ်ငန်းများကို ရေရှည်တည်တံ့အောင် ဝိုင်းဝန်းထိန်းသိမ်းကြရန် မှာကြားခဲ့သည်။အဆိုပါလုပ်ငန်းဆောင်ရွက်ပြီးစီး ပါက အိမ်ခြေ ၁၁၂၀၊ လူဦးရေ ၄၂၉၀ တို့ သောက်သုံးရေဖူလုံစွာရရှိမည်ဟု သိရသည်။