တံတားဦးမြို့နယ် မြင်းသည်ကျေးရွာ၌ မြစိမ်းရောင်ရန်ပုံငွေစီမံကိန်းကျေးရွာ လုပ်ငန်းအဖွဲ့ ပြန်လည်ဖွဲ့စည်း
တံတားဦး အောက်တိုဘာ ၁၆ မန္တလေးတိုင်းဒေသကြီး၊တံတားဦးခရိုင်၊တံတားဦးမြို့နယ်ကျေးလက်ဒေသဖွံ့ဖြိုးတိုးတက်ရေး ဦးစီးဌာနမှကျေးလက်နေပြည်သူများ၏အလုပ်အကိုင်အခွင့်အလမ်းနှင့်မိသားစုငွေတိုးပွားခြင်းဖြင့်ကျေးလက်ဒေသများတွင် ဆင်းရဲမှုလျော့ကျနိုင်စေရန်ရည်ရွယ်၍ မြစိမ်းရောင် ရန်ပုံငွေစီမံကိန်းကျေးရွာ လုပ်ငန်းအဖွဲ့ပြန်လည်ဖွဲ့စည်းခြင်းကိုယနေ့နံနက်ပိုင်းက မြင်းသည်ကျေးရွာဓမ္မာရုံ၌ ကျင်းပပြုလုပ်ခဲ့ ကြောင်းသိရသည်။
ရှေးဦးစွာ တံတားဦးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဦးစီးအရာရှိ ဒေါ်ဟန်စုနိုင်ကမြစိမ်းရောင်စီမံကိန်းရည်ရွယ်ချက်များ၊လုပ်ငန်းစဉ်များရှင်းလင်းခြင်း၊ကျေးရွာစီမံကိန်းလုပ်ငန်းအဖွဲ့ ဖွဲ့စည်းရသည့်စည်းကမ်းချက်များ၊ ကျေးလက်ဒေသဖွံ့ဖြိုးတိုးတက်ရေး ဥပဒေပါ ကျေးလက်နေပြည်သူများ၏ တာဝန်များ၊ ရပိုင်ခွင့်များရှင်းလင်းပြောကြားသည်။
ထို့နောက်မြင်းသည်ကျေးရွာရှိမြစိမ်းရောင်ရန်ပုံငွေစီမံကိန်းကျေးရွာလုပ်ငန်းအဖွဲ့ဝင် ခုနှစ်ဦးကို ကျေးရွာသူ၊ ကျေးရွာသားများက ရွေးချယ်ဖွဲ့ စည်းခဲ့ကြောင်းသိရသည်။
