မော်လမြိုင်ကျွန်ူ အောက်တိုဘာ ၃၀
ဧရာဝတီတိုင်းဒေသကြီး၊ လပွတ္တာခရိုင်၊မော်လမြိုင်ကျွန်း မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၄-၂၀၂၅ ခု ဘဏ္ဍာေရးနှစ်တွင် ဖွင့်လှစ်သော အသက်မွေးဝမ်းကျောင်း အထောက်အကူပြုအခြေခံအပ်ချုပ်စက်သင်တန်းဆင်းပွဲ အခမ်းအနားကို အောက်တိုဘာလ ၃၀ ရက်နေ့ နံနက်(၁၀)နာရီက မော်လမြိုင်ကျွန်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံးခန်းမ၌ ကျင်းပခဲ့ကြောင်းသိရသည်။
ရှေးဦးစွာ မော်လမြိုင်ကျွန်းမြို့နယ် မွေးမြူရေးနှင့်ကုသရေးဦးစီးဌာန မြို့နယ်ဦးစီးမှူး ဒေါက်တာဒေါ်ဖြူဖြူဝင်းမှ အဖွင့်အမှာစကားပြေကြားခဲ့ပြီးနောက်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးကျော်ကျော်နိုင်မှ ကျေးလက်နေပြည်သူများ တစ်ဖက်တစ်လမ်းမှ မိသားစုဝင်ငွေတိုး စေပြီး အလုပ်အကိုင်ရရှိစေရေး အတွက်ရည်ရွယ်၍အသက်မွေးဝမ်းကျောင်း အထောက်အကူပြုအခြေခံ အပ်ချုပ်စက်သင်တန်းအားဖွင့်လှစ်ပို့ချခဲ့ပြီးဖြစ်ကြောင်း၊ သင်တန်းသားများအနေဖြင့် လက်တွေ့နယ်ပယ်တွင် အပ်ချုပ်ပညာဖြင့် မိသားစုစီးပွားရေးကို အထောက်အပံ့ပေးနိုင်အောင် စဉ်ဆက်မပျက် ဆက်လက်ကြိုးစား ဆောင်ရွက်သွားကြရန်ပြောကြားခဲ့သည်။
ထို့နောက် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးကျော်ကျော်နိုင်နှင့် တာဝန်ရှိသူများက သင်တန်းဆင်းလက်မှတ်များအား သင်တန်းသားများထံသို့လည်းကောင်း၊ သင်တန်းတွင်ထူးချွန်သည့် သင်တန်းသားများထံသို့ သင်တန်းထူးချွန်ဆု အားလည်းကောင်း အသီးသီး ပေးအပ်ချီးမြှင့်ခဲ့သည်။
အဆိုပါသင်တန်းကို မြို့နယ်တွင်းရှိ ကျေးရွာပေါင်း (၈)ရွာမှ သင်တန်းသူ(၃၀)ဦးတက်ရောက်လျက်ရှိပြီး သင်တန်းကာလမှာ အောက်တိုဘာလ ၁ရက်နေ့မှ အောက်တိုဘာလ ၃၀ရက်နေ့ထိ ရက်(၃၀)ကြာ ကျွမ်းကျင်သင်တန်းနည်းပြများမှ စာတွေ့ လက်တွေ့ သင်ကြားပို့ချပေးခဲ့ဖြစ်ကြောင်း မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရပါသည်။
