သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ၊ ရန်ကုန်းတိုင်းဒေသကြီး၊ သန်လျင်ခရိုင်၊ ခရမ်း မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ရေရှားပါးသည့် ကျေးရွာများအား နွေရာသီကာလ ရေရှားမှုကို ကြိုတင်ကာကွယ်ရန် ရည်ရွယ်၍ မြေသားရေကန် အနက်နှိုက် တူးဖော်ခြင်းလုပ်ငန်းများ ရာနူန်းပြည့် ဆောင် ရွက် ပြီးစီးမှု အခြေအနေများကို ယနေနံနက်ပိုင်းက တာဝန်ရှိသူများမှ ကင်မွန်းခြုံကျေးရွာ၌ ကွင်းဆင်းစစ်ဆေးခဲ့ကြောင်း သိရသည်။
ထိုသို့ကွင်းဆင်းစစ်ဆေးရာ ခရမ်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမြို့နယ်ဦးစီးမှူး ဒေါ်ထားထားနိုင် နှင့် အင်ဂျင်နီယာ ဝန်ထမ်းများ သည် ကင်မွန်းခြုံ ကျေးရွာ တွင် အလျား ၂၈၀ပေ ၊အနံ ၂၂၀ပေ၊အနက် ၃ပေ ရှိ မြေသားရေကန် အနက်နှိုက် တူးဖော်ခြင်းလုပ်ငန်းဆောင်ရွက်ပြီးစီးမှု အခြေအနေများကို ကြည့်ရှု့ စစ်ဆေးပြီး မြို့နယ်ဦးစီးမှူး က ကျေးရွာရှိ ရပ်မိရပ်ဖများ၊ ကျေးရွာသူ/သားများနှင့် တွေ့ဆုံကာ ဆောင်ရွက်ပြီး မြေသားရေကန်အား ရေရှည်တည်တံ အောင် ထိန်းသိမ်းကြရန် ဆွေးနွေးမှာကြားပြီးကျေးရွာတင်ပြချက်များအပေါ် ပေါင်းစပ်ညှိနိူင်း ဆောင်ရွက်ပေးခဲ့သည်။
အဆိုပါ မြေသားရေကန် အနက်နှိုက် တူးဖော်ခြင်းလုပ်ငန်းများ ကို ၂၀၂၄-၂၀၂၅ခု ဘဏ္ဍာရေးနှစ် ရန်ကုန်တိုင်းဒေသကြီး အစိုရအဖွဲ့ ရခွင့်ပြုရန်ပုံ ငွေကျပ်(၂၉ဒသမ ၂၁)သန်းဖြင့် ဦးစီးဌာန အင်ဂျင်နီယာဝန်ထမ်းများနှင့် ကျေးရွာသူ/သားများ ပူးပေါင်း၍ အကောင်အထည်ဖော် ဆောင်ရွက်ခဲ့ရာ ယခုအခါ လုပ်ငန်းများ ၁၀၀% ပြီးစီပြီဖြစ်ပါ၍ ယခုလက်ရှိရေရောက်ရှိမူ အခြေအနေအား ကွင်းဆင်းကြည့်ရှု့စစ်ဆေးခဲ့ပြီး အဆိုပါကျေးရွာရှိ ကျေးလက်နေပြည်သူများအတွက် နွေရာသီကာလအတွင်း ရေရှားပါးသည့် ပြသာနာများပြေလည်ကာ သန့်ရှင်းသော သောက်သုံးရေများ ရာသီမရွေးဖူလုံစွာရရှိမည် ဖြစ်ကြောင်း ခရမ်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမြို့နယ်ဦးစီးမှူး ဒေါ်ထားထားနိုင် ထံ မှသိ ရသည်။
