တနင်္သာရီတိုင်းဒေသကြီးကျေးလက်‌ဒေသဖွံ့ ဖြိုးတိုးတက်ရေးဦးစီးဌာန ကွပ်ကဲမှုအောက်ရှိ ခရိုင်၊မြို့နယ်တို့တွင် တာဝန်ထမ်းဆောင်လျက် ရှိသော ဝန်ထမ်းများ ရုံးလုပ်ငန်းများဆောင် ရွက်ရာတွင် အဆင်ပြေလွယ်ကူစေရန်ရည်ရွယ် ၍ ဝန်ထမ်းစွမ်းဆောင်ရည်မြှင့်တင်ရေး Level Survey တိုင်းတာခြင်းသင်တန်းဖွင့်ပွဲကို ယနေ့ နံနက်ပိုင်းက အဆိုပါဦးစီးဌာန အစည်း အဝေးခန်းမ၌ ကျင်းပပြုလုပ်ခဲ့ကြောင်း သိရသည်။

ရှေးဦးစွာ တနင်္သာရီတိုင်းဒေသကြီးကျေးလက် ဒေသဖွံ့ ဖြိုးတိုးတက်ရေးဦးစီးဌာန တိုင်းဒေသကြီးဦးစီးမှူး ဦးရဲခေါင်က သင်တန်းသား သင်တန်းသူများအနေဖြင့် သင်တန်းမှ ပို့ချပေးမည့် သင်တန်းခန်းစာများကို စဉ်ဆက်မပြတ် လေ့လာသင်ယူရန်နှင့် လက်တွေ့လုပ်ငန်းခွင်
တွင် အကျိုးရှိစွာ ပြန်လည်အသုံးချကြစေလိုကြောင်း ရှင်းလင်းပြောကြား သည်။

ဆက်လက်၍ တနင်္သာရီတိုင်းဒေသကြီးကျေး လက်ဒေသဖွံ့ ဖြိုးတိုးတက်ရေးဦးစီးဌာန ဒုတိယညွှန်ကြားရေးမှူး ဦးလှိုင်အေးက သင်တန်းတက်ရောက်ရာတွင် လိုက်နာရမည့် စည်းကမ်းများ၊ သင်တန်း၌ သင်ကြားပို့ချမည့်ဘာသာရပ်များကို ရှင်းလင်းပြောကြားပြီး
တက်ရောက်လာကြသော သင်တန်းသားသင်တန်းသူများက တစ်ဦးချင်းမိတ်ဆက်ကြသည်။