တနင်္သာရီတိုင်းဒေသကြီး ကော့သောင်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန အစည်းအဝေးခန်းမ၌ ၂၀၂၄-၂၀၂၅ဘဏ္ဍာရေးနှစ်တွင် ဆောင်ရွက်မည့် တာညုံပါဒကျေးရွာ မြစိမ်းရောင်ကျေးရွာစီမံကိန်း ကျေးရွာသို့ ရန်ပုံငွေကျပ်သိန်း ၃၀၀ လွှဲပြောင်းပေးအပ်ပွဲ အခမ်းအနားကို ဩဂုတ်လ ၈ ရက် နံနက်ပိုင်းတွင် ကျင်းပသည်။
အဆိုပါ အခမ်းအနားသို့ ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး၊ မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူးနှင့် ဌာနဆိုင်ရာများ၊ ကျေးရွာလုပ်ငန်းအဖွဲ့ဝင်များ၊ တက်ရောက်ကြသည်။ ထို့နောက် ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်စန္ဒာဝင်းက အဖွင့်အမှာစကားပြောကြားသည်။ ဆက်လက်၍ မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးအောင်ချိုက အမှာစကားပြောကြားပြီး ခရိုင်ဦးစီးမှူးက တာညုံပါဒ မြစိမ်းရောင်ကျေးရွာစီမံကိန်း ကျေးရွာလုပ်ငန်းအဖွဲ့ဝင်များသို့ ရန်ပုံငွေလွှဲပြောင်းပေးအပ်ခဲ့ကြောင်း သိရသည်။
