မော်လမြိုင်ကျွန်း                                                    ဇူလိုင်လ ၂၆

         ဧရာဝတီတိုင်းဒေသကြီး၊ လပွတ္တာခရိုင်၊‌ မော်လမြိုင်ကျွန်းမြို့နယ် ‌‌မရဲ့အုန်းပင်စုကျေးရွာအုပ်စု၊ မရဲ့အုန်းပင်စုကျေးရွာတွင် မြစိမ်းရောင်စီမံကိန်းအတိုးရငွေများဖြင့် အကောင်အထည်ဖော်ဆောင်ရွက်‌သည့် လျှပ်စစ်မီးသွယ်တန်းခြင်းလုပ်ငန်း ဆောင်ရွက်နေမှု အခြေအနေအား ဇူလိုင်လ ၂၃ ရက် နံနက်ပိုင်းက တာဝန်ရှိသူများ ကွင်းဆင်းစစ်ဆေးခဲ့ကြောင်းသိရသည်။

         ထိုသို့ကွင်းဆင်းစစ်ဆေးရာတွင်  မော်လမြိုင်ကျွန်း ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦး‌ေကျာ်ကျော်နိုင်၊မြို့နယ်စီမံကိန်းတာဝန်ခံဝန်ထမ်းများက မရဲ့အုန်းပင်စုကျေးရွာ မြစိမ်းရောင်စီမံကိန်းလုပ်ငန်းအဖွဲ့ဝင်များနှင့်အတူ  လျှပ်စစ်မီးသွယ်တန်းခြင်းလုပ်ငန်း ဆောင်ရွက်‌ နေမှု အခြေအနေအား စစ်ဆေးခဲ့ကြပြီးနောက် မြို့နယ်ဦးစီးမှူး ဦးကျော်ကျော်နိုင်မှ ကျေးရွာစီမံကိန်းလုပ်ငန်းအဖွဲ့ဝင်များအား လျှပ်စစ်မီးသွယ်တန်းခြင်းလုပ်ငန်းအား အကျိုးရှိစွာတန်ဖိုးထားအသုံးပြုကြရန်နှင့်  ရေရှည်အသုံးပြုနိုင်ရန်ပြုပြင်ထိန်းသိမ်းရမည့် နည်းလမ်းများအား အကြံပြုပြောကြားခဲ့သည်။

         မရဲ့အုန်းပင်စုကျေးရွာ လျှပ်စစ်မီးသွယ်တန်းခြင်းလုပ်ငန်းသည် ၄၀၀ဗို့အားလိုင်း ၄၂၀၀ပေ ဖြစ်ပြီး  မြစိမ်းရောင်စီမံကိန်း အတိုးရငွေကျပ်(၁၂.၅၀)သန်း၊‌ေဒသဖွံ့ဖြိုး‌ရေးရန်ပုံ‌ငွေကျပ်(၁၉)သန်း၊ ပြည်သူထည့်ဝင်‌ငွေကျပ်(၂၃.၂၂)သန်း၊ စုစုပေါင်းငွေကျပ်(၅၄.၇၂)သန်း ဖြင့် ဇူလိုင်လ ၁ရက်မှစတင်ဆောင်ရွက်ခဲ့ရာ ယခုအခါ ၇၅ရာခိုင်နှုန်းပြီးစီးနေပြီဖြစ်ပြီး ရာနှုန်းပြည့်ပြီးစီးသွားပါက ကျေးရွာရှိ အိမ်ထောင်စု ၉၅ စု၏ လူဦးရေ  ၃၇၀ဦးတို့သည် အဆိုပါလျှပ်မီးအားအသုံးပြု၍ ပညာရေး၊ ကျန်းမာရေး၊ စီးပွားရေးလုပ်ငန်းများ ဖွံ့ဖြိုးတိုးလာမည်ဖြစ်ကြောင်း ‌မော်လမြိုင်ကျွန်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။