မိုးကောင်းမြို့နယ် ကြာအင်းစုစည်း(၂)ကျေးရွာ၌ ရေပေးရေးလုပ်ငန်းဆောင်ရွက်မှုအား ခရိုင်ဦးစီးမှူး မှ ကွင်းဆင်းစစ်ဆေး( (၂၁.၆.၂၀၂၄)ရက်နေ့ မြို့တော်သတင်းစာ၊)
မိုးကောင်း၊ ဇွန် ၁၉
ကချင်ပြည်နယ်၊ မိုးညှင်းခရိုင်၊ မိုးကောင်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၄-၂၀၂၅ ဘဏ္ဍာနှစ်တွင် ပြည်ထောင်စုခွင့်ပြုရန်ပုံငွေဖြင့် ကြာအင်းစုစည်း(၂)ကျေးရွာ၌ရေပေးရေးလုပ်ငန်း ဆောင်ရွက်နေမှု အခြေအနေကို ဇွန်လ ၁၉ ရက်နေ့ကကွင်းဆင်းစစ်ဆေးခဲ့ကြောင်းသိရသည်။
ထိုသို့ကွင်းဆင်းစစ်ဆေးရာတွင် မိုးညှင်းခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာနခရိုင်ဦးစီးမှူး ဦးထွန်းထွန်းဝင်းနှင့်ဝန်ထမ်းများ၊ မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်ခင်မေဝင်းတို့မှကွင်းဆင်းစစ်ဆေးခဲ့ကြရာ မြို့နယ်တာဝန်ခံ အင်ဂျင်နီယာမှ လုပ်ငန်းဆောင်ရွက်ထားရှိမှု အခြေအနေများ ကို ရှင်းလင်းတင်ပြရာ အဆိုပါတင်ပြမှုအပေါ် ခရိုင်ဦးစီးမှူးနှင့်အဖွဲ့က လိုအပ်သည်များပေါင်းစပ်ညှိနှိုင်းပေးပြီး လုပ်ငန်းများသတ်မှတ်စံချိန်စံညွှန်း ပြည့်မီစွာဖြင့် အချိန်မီပြီးစီးအောင်ဆောင်ရွက်ရန်မှာကြားခဲ့သည်။
အဆိုပါကြာအင်းစုစည်း(၂)ကျေးရွာတွင်နက်တူးဖော်ခြင်း နှင့် ဆက်စပ်လုပ်ငန်းများဖြစ်သည့်
ဂါလံ ၂၄၀၀ ဆံ့ ကွန်ကရစ်ရေစင်(၁)ခု၊ ရေစက်ရုံ(၁)ခုနှင့် နှစ်လက်မရေပိုက်လိုင်း ၃၀၀၀ ပေသွယ်တန်းခြင်း လုပ်ငန်းကို၂၀၂၄-၂၀၂၅ ဘဏ္ဍာနှစ်တွင် ပြည်ထောင်စုခွင့်ပြုရန်ပုံငွေကျပ် ၃၅ ဒသမ ၅၉၅ သန်းဖြင့် ဌာနမှတာဝန်ယူ၍ဇွန်လ ၁၂ ရက်နေ့တွင်လုပ်ငန်းစတင်ဆောင်ရွက်ခဲ့ရာ ယခုအခါလုပ်ငန်းများ ၃၀%ခန့်ပြီးစီးနေပြီဖြစ်ကြောင်းသိရသည်။
(၂၁.၆.၂၀၂၄)ရက်နေ့ မြို့တော်သတင်းစာ၊စာမျက်နှာ(၈)၊ကော်လံ(၃/၄)တွင်ပါရှိသည်။
