ပဲခူးတိုင်း ၂၀၂၄ ခုနှစ်၊ ဖေဖော်ဝါရီလ (၂၈)ရက်
ပဲခူးတိုင်းဒေသကြီး ကျေးလက်ဒေသဖွံ့ဖြိုးတိုးတက်ရေးဦးစီးဌာန တိုင်းဒေသကြီး ဦးစီးမှူးဦးမျိုးအောင်သည် ညောင်လေးပင်ခရိုင်၊ ညောင်လေးပင်မြို့နယ် အေးရွာ ကျေးရွာတွင် တိုင်းဒေသကြီးအစိုးရအဖွဲ့ရန်ပုံငွေဖြင့် ဆောင်ရွက်သော ကွန်ကရစ်တံတား တည်ဆောက်ခြင်းလုပ်ငန်းနှင့် ဒိုက်ဦးမြို့နယ်ဗျက်ကလေးကျေးရွာ ကွန်ကရစ်တံတား တည်ဆောက်ခြင်းလုပ်ငန်းတို့အား ကွင်းဆင်းကြည့်ရှုစစ်ဆေးခဲ့ပြီး သတ်မှတ် စံချိန်စံညွှန်း နှင့် အညီသတ်မှတ်ချိန်တွင်း အချိန်မီပြီးစီးစေရေး လိုအပ်သည်များ လမ်းညွှန်မှာကြားခဲ့ ပါသည်။ ဆက်လက်ပြီး ပဲခူးခရိုင်၊ ရွာသစ်ကျေးရွာရှိ မဲခေါင်-လန်ချန်းနိုင်ငံများအကြား ကျေးရွာအဆင့် ဆင်းရဲမှုလျှော့ချရေးဆိုင်ရာ စံပြကျေးရွာထူထောင်ခြင်းစီမံကိန်းဖြင့် ဆောင်ရွက် သော Green House စီမံကိန်း တိုးချဲ့လမ်းမြေဖို့တိုးချဲ့ခြင်းနှင့် သုဿာန်လမ်းမြေဖို့ခြင်း လုပ်ငန်းတို့အား ကွင်းဆင်းကြည့်ရှုစစ်ဆေးခဲ့ပြီး လိုအပ်သည်များ လမ်းညွှန်မှာကြားခဲ့ပါသည်။
