စစ်ကိုင်း မတ် ၂၄
သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ကြီးမှူးပြီး စစ်ကိုင်းတိုင်းဒေသကြီးကျေးလက်ဒေသဖွံ့ဖြိုးတိုးတက်ရေးဦးစီးဌာန၌ "ဝန်ထမ်းသစ်များလုပ်ငန်းခွင်ဝင်သင်တန်းအမှတ်စဉ်(၁/၂၀၂၃)သင်တန်း"ဆင်းပွဲကို မတ်လ(၂၄)ရက်နေ့ ညနေ(၄း၃၀)နာရီအချိန်တွင် စစ်ကိုင်းတိုင်းဒေသကြီးကျေးလက်ဒေသဖွံ့ဖြိုးတိုးတက်ရေးဦးစီးဌာနအစည်းအဝေးခန်းမ၌ (ကိုဗစ်-၁၉)စည်းကမ်းချက်များနှင့်အညီ ကျင်းပပြုလုပ်ခဲ့သည်။
အဆိုပါသင်တန်းကို စစ်ကိုင်းတိုင်းဒေသကြီးကျေးလက်ဒေသဖွံ့ဖြိုးတိုးတက်ရေးဦးစီးဌာန၊တိုင်းဒေသကြီးဦးစီးမှူး၊ဦးအောင်မျိုးလွင်မှ အဖွင့်အမှာစကားပြောကြားပြီး သင်တန်းဖွင့်လှစ်ရခြင်း၏ ရည်ရွယ်ချက်များကို ဝန်ထမ်းသစ်များအား မိမိတို့သက်ဆိုင်ရာဌာနသို့ လုပ်ငန်းခွင်ဝင်လျှင် သင်ကြားခဲ့ရသည့် ပညာရပ်များကို လက်တွေ့လုပ်ငန်းများဆောင်ရွက်ရာတွင် အခက်အခဲမဖြစ်စေရန် ၊လုပ်ငန်းများအား မှန်မှန်နှင့်မြန်မြန်ဆောင်ရွက်နိုင်စေရန်နှင့် ဝန်ထမ်းစွမ်းဆောင်ရည်မြှင့်မားသော ဝန်ထမ်းများဖြစ်လာစေရန် ရည်ရွယ်ပါကြောင်း၊ မိမိတို့ဝန်ကြီးဌာနမှသည် ဦးစီးဌာနနှင့် ကျေးလက်နေပြည်သူများအား အကျိုးပြုနိုင်သော နိုင်ငံ့ဝန်ထမ်းများ ဖြစ်လာစေရန် မျှော်လင့်ပါကြောင်း ပြောကြားခဲ့ပါသည်။
အဆိုပါ သင်တန်းသို့ စစ်ကိုင်းတိုင်းဒေသကြီးကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သင်တန်း ဆရာ/ဆရာမတို့မှ သင်တန်းသူ/သားများအား သင်တန်းဆင်းလက်မှတ်များပေးအပ်ခြင်း၊သင်တန်းသူ/သားများကိုယ်စား သင်တန်းသူတစ်ဦးမှ ကျေးဇူးတင်စကားပြောကြားခဲ့၍ သင်တန်းဆင်းပွဲအား ဆောင်မြင်စွာ ကျင်းပခဲ့ကြောင်း သိရှိရပါသည်။
ကိုမြတ်
