ပြည်ထောင်စုနယ်မြေ၊ နေပြည်တော်၊ ပျဥ်းမနားခရိုင်၊ ပျဥ်းအနားမြို့နယ်၊ ကြို့တန်းကျေးရွာတွင် သန့်ရှင်းသောသောက်သုံးရေရရှိစေရန် ၂၀၂၂-၂၀၂၃ခု၊ ဘဏ္ဍာရေးနှစ် နေပြည်တော်ကောင်စီခွင့်ပြုရန်ပုံငွေကျပ်(၁၉.၅)သန်းဖြင့် Ye Htike Thu ကုမ္ပဏီမှ အကောင်အထည်ဖော်ဆောင်ရွက်သော အနက်ပေ(၄၀၀)(၄")စက်ရေတွင်းတူးဖော်ခြင်း၊ အမြင့်(၂၀)ပေ၊ (၂၄၀၀)ဂါလံဆံ့စင်မြင့်ရေစင်တည်ဆောက်ခြင်း၊ ရေစက်ရုံတည်ဆောက်ခြင်းနှင့် ခြံစည်းရိုးကာရံခြင်းလုပ်ငန်းများ (100%)ဆောင်ရွက်ပြီးစီးမှုအခြေအနေအား ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်)မှ ဒုတိယညွှန်ကြားရေးမှူးချုပ် ဒေါ်ညိုညိုဝင်နှင့်တာဝန်ရှိသူများ၊ ပြည်ထောင်စုနယ်မြေ၊ နေပြည်တော်နှင်ု ခရိုင်၊ မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနများမှ တာဝန်ရှိသူများမှ ကွင်းဆင်းစစ်ဆေးခဲ့ရာ ဒုတိယညွှန်ကြားရေးမှူးချုပ် ဒေါ်ညိုညိုဝင်းမှ ဆောင်ရွက်ပြီးလုပ်ငန်းများအား အကျိုးရှိစွာအသုံးပြုရန်နှင့် ရေရှည်တည်တန့်ခိုင်မြဲအောင် ဝိုင်းဝန်းထိန်းသိမ်းကြရန်မှာကြားခဲ့ပါသည်။ ကျေးလက်ဒေသဖွံ့ဖြိုးတိုးတက်ရေးဦးစီးဌာနအနေဖြင့် ကြို့တန်းကျေးရွာတွင် သန့်ရှင်းသောသောက်သုံးရေရရှိစေရန် စက်ရေတွင်းတူးဖော်ခြင်းလုပ်ငန်းဆောင်ရွက်နိုင်မှုကြောင့် ကျေးရွာရှိ အိမ်ခြေ(၂၀၈)အိမ်၊ လူဦးရေ(၈၈၈)ဦးနှင့် ကျွဲ၊ နွား၊ တိရိစ္ဆာန်များ၏ သောက်သုံးရေ အခက်အခဲများ အဆင်ပြေသွားပြီဖြစ်ပါကြောင်း သတင်းရရှိပါသည်။
