ရန်ကုန်တိုင်းဒေသကြီး၊ တွံတေးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ကျေးလက်နေ ပြည်သူများအရင်းအနှီးရရှိစေရန်၊ အလုပ်အကိုင်အခွင့်အလမ်းရရှိစေရန်၊မိသားစုဝင်ငွေတိုးပွားစေရန် ရည်ရွယ် ၍ မြစိမ်းရောင်အရင်းမပျောက်လည်ပတ်ရန်ပုံငွေစီမံကိန်းကို အကောင်အထည် ဖော်ဆောင်ရွက်ခဲ့ပြီး မြစိမ်း ရောင်စီမံကိန်း အတိုးရငွေဖြင့် ကျေးရွာဖွံ့ဖြိုးရေးလုပ်ငန်းများ ဆောင်ရွက်လျက်ရှိကြောင်းသိရှိရသည်။
မတ်လ ၁၄ ရက်၊ နံနက်၁၁ နာရီက မြစိမ်းရောင် ကျေးရွာ စီမံကိန်း အကောင်အထည် ဖော်ဆောင်ရွက် လျက်ရှိသော မငေးအလယ်အုပ်စု၊ ထိန်ကုန်းကျေးရွာ၌ မြစိမ်းရောင်ချေးငွေဖြင့်ကျေးရွာသူ၊ကျေးရွာသားများ စိုက်ပျိုးရေး၊ မွေးမြူရေး၊ ကုန်ထုတ်လုပ်ရေးနှင့် အခြားအသက်မွေးဝမ်းကျောင်းလုပ်ငန်းများ လုပ်ကိုင်၍ အောင်မြင်ဖြစ်ထွန်း အဆင်ပြေနေမှုများကို တွံတေးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်ယဉ်ယဉ်ဌေးနှင့် ဝန်ထမ်းအဖွဲ့က ကွင်းဆင်းကြည့်ရှုစစ်ဆေးရာ စီမံကိန်းတာဝန်ခံက စီမံကိန်းလုပ်ငန်းများ ဆောင်ရွက်နေမှုများကိုလိုက်လံရှင်းလင်းပြသကြောင်းသိရှိရသည်။
