ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာနက ကျေးလက်နေပြည်သူများအလုပ်အကိုင်အခွင့်အလမ်းရရှိ၍ မိသားစုဝင်ငွေတိုးပွားစေရန် ရည်ရွယ်ပြီး မြစိမ်းရောင်ကျေးရွာစီမံကိန်းကို ကျေးရွာ ၃၆ ရွာတွင် အကောင်အထည်ဖော်ဆောင်ရွက် လျက်ရှိရာ မြစိမ်းရောင်ကျေးရွာစီမံကိန်း အတိုးရငွေဖြင့် ကျေးရွာဖွံ့ဖြိုးရေးလုပ်ငန်းများ ဆောင်ရွက် လျက်ရှိကြောင်း သိရသည်။
မြစိမ်းရောင်စီမံကိန်းကျေးရွာဖြစ်သော ကံမြင့်ကျေးရွာ၌ မြစိမ်းရောင်ကျေးရွာစီမံကိန်း အတိုး ရရှိငွေမှ ငွေကျပ် ၁၇ ဒဿမ ၄ သန်း၊ ပြည်သူ့ထည့်ဝင်ငွေကျပ် ၁၃ ဒဿမ ၅၅ သန်းဖြင့် လမ်းပန်း ဆက်သွယ်ရေးကောင်းမွန်ပြီး ပြည်သူများသွားလာရေး အဆင်ပြေစေရန် ရွာတွင်း မဉ္ဇူလမ်း ပေ ၇၃၀ ၁၀ ပေ ၆ လက်မနှင့် သာသနာ့ရောင်ခြည်လမ်း ၆၄၅ ပေ ၁၀ ပေ ၆ လက်မ ကွန်ကရစ်လမ်းခင်းခြင်း နှင့် ရေစီးရေလာကောင်းမွန်စေရန် အုတ်ရေမြောင်းပြုလုပ်ခြင်း၊ လုပ်ငန်းဆောင်ရွက်လျက်ရှိကြောင်း သိရသည်။
လုပ်ငန်းခွင်သို့ ဇန်နဝါရီ ၁၂ ရက် မွန်းလွဲ ၁ နာရီက သုံးခွမြို့နယ် ကျေးလက်ဒေသဖွံ့ဖြိုး တိုးတက်ရေးဦးစီးဌာန မြို့နယ်ဦးစီးမှူး ဒေါ်ခင်နှင်းချို၊ ဦးစီးအရာရှိ(နည်းပညာ) ဒေါ်ယမင်းသူနှင့် ဝန်ထမ်းများက ကွင်းဆင်းကြည့်ရှုစစ်ဆေးပြီး သတ်မှတ်စံချိန်စံညွှန်းနှင့်အညီ အရည်အသွေးပြည့်မီ စွာဖြင့် သတ်မှတ်ချိန်ပြီးစီးစေရေး စေတနာထား၊ အလေးထားဆောင်ရွက်ကြရန် တာဝန်ရှိသူများကို မှာကြားခဲ့ကြောင်း သိရသည်။
