မန္တလေးတိုင်းဒေသကြီး၊ မိတ္ထီလာမြို့နယ် သီးကုန်းကျေးရွာအုပ်စု၊ တုံးအိုင်ကျေးရွာ၌ ဒေသခံပြည်သူများ သောက်သုံးရေဖူလုံစေရေးအတွက် အကောင်အထည်ဖော်ဆောင်ရွက်လျက်ရှိသည့် မြေသားရေကန် ပြန်လည်ပြုပြင်တူးဖော်ခြင်းလုပ်ငန်း ရာနှုန်းပြည့် ပြီးစီးပြီဖြစ်ကြောင်း မိတ္ထီလာမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။
သီးကုန်းကျေးရွာအုပ်စု၊ တုံးအိုင်ကျေးရွာ၌ ဒေသခံပြည်သူများ သောက်သုံးရေ အခက်အခဲ မရှိစေရေးအတွက် ၂၀၂၂-၂၀၂၃ ဘဏ္ဍာနှစ် တိုင်းဒေသကြီး ခွင့်ပြုငွေ ငွေကျပ် ၆ဒသမ ၄၁၃သန်းဖြင့် တုံးအိုင်ကျေးရွာ၌ အလျားပေ ၁၅၀၊ အနံပေ ၁၅၀ မြေသားရေကန် ပြန်လည် တူးဖော်ခြင်းလုပ်ငန်းကို မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ တာဝန်ယူ၍ ဇွန် ၇ ရက်က စတင်ဆောင်ရွက်ရာ လက်ရှိတွင် လုပ်ငန်းအားလုံး ရာနှုန်းပြည့် ပြီးစီးပြီဖြစ်သည်။
အဆိုပါလုပ်ငန်းများ ပြီးစီး၍ သီးကုန်းကျေးရွာအုပ်စု ၊ တုံးအိုင်ကျေးရွာရှိ ဒေသခံ ပြည်သူများ ရာသီမရွေး သောက်သုံးရေ အဆင်ပြေနိုင်တော့မည်ဖြစ်ကြောင်း သိရသည်။
