သြဂုတ်လ ၆ ရက်
စဉ့်ကူးကျေးလက်
စဉ့်ကူးမြို့နယ်၌ကျေးရွာမတည်ရန်ပုံငွေစီမံကိန်းချေးငွေများဆပ်/ထုတ်စနစ်ဖြင့်ထုတ်ချေး
မန္တလေးတိုင်းဒေသကြီး၊ စဉ့်ကူးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက တတိယ အကြိမ်မြောက်ကျေးရွာမတည်ရန်ပုံငွေစီမံကိန်း(VRFP)ကျေးရွာနှစ်ရွာကို ချေးငွေများဆပ်/ထုတ်စနစ်ဖြင့် စဉ့်ကူးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံးအစည်းအဝေးခန်းတွင်ကိုဗစ်စည်းကမ်းချက်များနှင့်အညီ ကျင်းပခဲ့ ကြောင်းသိရသည်။
ရှေးဦးစွာ စဉ့်ကူးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးနိုင်အောင်စိုးမှ ကျေးရွာမတည်ရန်ပုံငွေစီမံကိန်းအကာင်အထည်ဖော်ဆောင်ရွက်နေသည့် ကျေးရွာများ ဖြစ်သော လက်ပန်ကုန်း၊ မြေနု၊ ကျွန်းတော်၊ ရွာတော်၊ ကျောင်းဆိပ်၊ အောင်ချမ်းသာကျေးရွာတို့အနက် (၅.၈.၂၀၂၂)ရက်နေ့တွင်မြေနုကျေးရွာနှင့်ကျွန်းတော်ကျေးရွာတို့မှကျေးရွာကော်မတီများကိုကျေးလက်နေ ပြည်သူများ၏ ဝင်ငွေလျှောနည်းလာမှုနှင့် စားဝတ်နေရေးအခက်အခဲများကို ကုစားပေးနိုင်ရန် လူမှုစီးပွား ဘဝများဖွံ့ဖြိုးလာစေရန်ရည်ရွယ်၍ ကျေးရွာမတည်ရန်ပုံငွေများ ထုတ်ချေးပေးခြင်းဖြစ်ကြောင်းပြော ကြားခဲ့ပါသည်။
ဆက်လက်၍ မြေနုကျေးရွာ၊စိုက်ပျိုးရေးလုပ်ငန်းလုပ်ကိုင်သူ(၉၅)ဦးချေးငွေ(၂၂.၉)သန်းမွေးမြူရေး လုပ်ငန်းလုပ်ကိုင်သူ(၆၇)ဦး ချေးငွေ(၁၀.၂)သန်း ကျွန်းတော်ကျေးရွာ့မှ စိုက်ပျိုးရေးလုပ်ငန်းလုပ်ကိုင်သူ (၁၁၄)ဦးချေးငွေ(၂၇.၄)သန်းမွေးမြူရေးလုပ်ငန်းလုပ်ကိုင်သူ(၆၇)ဦးချေးငွေ(၆၉.၅)သန်း စုစုပေါင်းကျေးရွာ နှစ်ရွာမှ စိုက်ပျိုးရေး၊ မွေးမြူရေး လုပ်ငန်းလုပ်ကိုင်သူ (၃၄၆) ဦး ခေျးငွေ(၆၇.၈၅)သန်း အား ကျေးရွာမတည်ရန်ပုံငွေစီမံကိန်း ကော်မတီဝင်များထံသို့ ကျေးလက်ဦးစီးဌာနမြို့နယ်ဦးစီးမှူးနှင့် စီမံကိန်း တာဝန်ခံတို့မှ တတိယအကြိမ်မြောက် ချေးငွေများကို ဆပ်/ထုတ်စနစ်ဖြင့် လွဲပြောင်းပြီး ကျေးရွာကော်မတီများမှ အသင်းသားများလက်ဝယ်သို့ နေ့ခြင်းပြီး ပြန်လည်ထုတ်ချေးခဲ့ကြောင်း စဉ့်ကူးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး-ဦးနိုင်အောင်စိုးထံမှ သိရှိရသည်။
ဦးဝင်းဘို
အကြီးတန်းစာရေး
စဉ့်ကူးကျေးလက်
