ရန်ကုန်တိုင်းဒေသကြီး သုံးခွမြို့နယ် ကံမြင့်ကျေးရွာတွင် ကျေးရွာကုန်ထုတ်ဂဝံလမ်းခင်းခြင်း ဆောင်ရွက်မည်နေရာကို သန်လျင်ခရိုင်ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်အေးအေးကြူ သုံးခွမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်ခင်နှင်းချို တာဝန်ခံအင်ဂျင်နီယာ နှင့်ကုမ္ပဏီမှ တာဝန်ရှိသူများသည် ဇူလိုင်လ ၁၅ရက် နံနက် ၈နာရီ က ကွင်းဆင်းတိုင်းတာစစ်ဆေးခဲ့ကြောင်းသိရသည်။
အဆိုပါကုန်ထုတ်ဂဝံလမ်းသည် အရှည် ၁၄၀၀ အကျယ် ၁၂ပေ ထု ၉ လက်မ ရှိကြောင်း သိရသည်။
ကျေးရွာနေပြည်သူများလယ်ယာထွက်ကုန်ပစ္စည်းများအား စျေးကွက်အတွင်းသို့ အချိန်နှင့် တပြေးညီ အချိန်တိုအတွင်း စရိတ်သက်သာစွာဖြင့် သယ်ယူပို့ဆောင်နိုင်ရန်ရည်ရွယ်၍ ၂၀၂၂-၂၀၂၃ ဘဏ္ဍာရေးနှစ် တိုင်းဒေသကြီး အစိုးရ ခွင့်ပြုရန်ပုံငွေဖြင့် ကောင်ထူးအိမ် ကုမ္ပဏီ မှ တာဝန်ယူ ဆောင်ရွက်မည်ဖြစ်ကြောင်းသိရသည်။
