မန္တလေးတိုင်းဒေသကြီး ညောင်ဦးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန ၂၀၂၂-၂၀၂၃ခုနှစ် ပြည်ထောင်စုတိုင်းဒေသကြီး ရန်ပုံငွေကျပ် ၆၉.၀၁ သန်းဖြင့် ညောင်ဦး မြို့နယ် ကျေးရွာသုံးရွာ၌ ကျေးလက်ရေရရှိရေးလုပ်ငန်းများ ဆောင်ရွက်နေမှုအခြေအနေများကို ဇွန် ၂၈ ရက် နံနက်ပိုင်းက တာဝန်ရှိသူများ ကွင်းဆင်းစစ်ဆေးခဲ့ပါသည်။
ထိုသို့ ကွင်းဆင်းစစ်ဆေးရာတွင် ညောင်ဦးရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဦးခင်မောင်ကျော်နှင့် တာဝန်ရှိသူများက ညောင်ဦးမြို့နယ် ထန်းပေါက်တော ကျေးရွာ၌ စက်ရေတွင်း(တွင်းနက်)တူးဖော်ခြင်းနှင့်ဆက်စပ်လုပ်ငန်းများ၊ ဒဟတ်စီးကျေးရွာ၌ အလျားပေ ၂၀၀၊ အနံပေ ၁၀၀ နှင့် အနက် ၆ ပေ ရှိ မြေသားရေကန် တူးဖော်ခြင်းနှင့် ကောင်းညိုကျေးရွာ၌ အလျားပေ ၂၀၀၊ အနံ၁၀၀ ပေနှင့် အနက် ၆ ပေ ရှိ မြေသား ရေကန် တူးဖော်ခြင်းလုပ်ငန်းများ ဆောင်ရွက်နေမှု အခြေအနေများကို ကြည်ရှုစစ်ဆေးပြီး လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ပါသည်။
အဆိုပါ လုပ်ငန်းများ ရာနှုန်းပြည့်ဆောင်ရွက်ပြီးစီးပါက ထန်းပေါက်တောကျေးရွာရှိ အိမ်ခြေ ၃၂၁ အိမ်၊ လူဦးရေ ၁၀၇၆ဦး၊ဒဟတ်စီးကျေးရွာ ရှိ အိမ်ခြေ ၁၄၀၊လူဦးရေ ၄၈၅ ဦး ၊ ကောင်းညိုကျေးရွာ ၌ အိမ်ခြေ ၁၈၉ အိမ်၊လူဦးရေ ၁၀၄၀ ဦးတို့၏သောက်သုံးရေရရှိိရေးအတွက် များစွာ အကျိုးပြု နိုင်တော့မည်ဖြစ်ပါသည်။
