ရန်ကုန်တိုင်းဒေသကြီး မြောက်ပိုင်းခရိုင်၊ လှည်းကူးမြို့နယ်ကျေးလက်ဒေသဖွံ့ဖြိုးတိုးတက် ရေးဦးစီးဌာနမှ ကျေးလက်နေပြည်သူများ အလုပ်အကိုင်အခွင့်အလမ်းနှင့် အသေးစားစီးပွားရေးလုပ်ငန်းများ လုပ်ကိုင်နိုင်ရန်နှင့် မိသားစုဝင်ငွေတိုးပွားလာစေရန် ရည်ရွယ်၍ မြောက်ပိုင်းခရိုင်အသေးစားစက်မှုလက်မှု လုပ်ငန်းဦးစီးဌာနနှင့် ပူးပေါင်း၍ အသက်မွေးဝမ်းကျောင်းအထောက်အကူပြု ဆပ်ပြာပြုလုပ်နည်းသင်တန်းကို ဇူလိုင်လ(၄)ရက် နံနက်ပိုင်းတွင် တောင်တလုတ်ရေကျော်ကျေးရွာ၊ ဘုန်းတော်ကြီးကျောင်း၌ ဖွင့်လှစ်ခဲ့ပါသည်။
အဆိုပါအခမ်းအနားကို မြောက်ပိုင်းခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင် ဦးစီးမှူး ဦးဘသိန်းမှ သင်တန်းအဖွင့်အမှာစကားပြောကြားခဲ့ပြီး၊ လှည်းကူးမြို့နယ်ကျေးလက်ဒေသဖွံ့ဖြိုးတိုး တက်ရေးဦးစီးဌာန မြို့နယ်ဦးစီးမှူး ဒေါ်သန္တာစိုး က သင်တန်းဖွင့်လှစ်သင်ကြားပေးရခြင်းရည်ရွယ်ချက်နှင့် ပတ်သက်၍ ရှင်းလင်းပြောကြားခဲ့ကာ၊ မြောက်ပိုင်းခရိုင် အသေးစားစက်မှုလက်မှုလုပ်ငန်းဦးစီးဌာန လက်ထောက်ညွှန်ကြားရေးမှူး(နည်းပညာ) ဦးရဲဇော်ထွန်းမှ သင်ကြားမည့်ဘာသာရပ်များကို အသေးစိတ် ရှင်းလင်းပြောကြားခဲ့သည်။
အဆိုပါသင်တန်းတွင် လူသုံးကုန်ပစ္စည်းဖြစ်သည့် ဆပ်ပြာပြုလုပ်နည်းအဆင့်ဆင့်ကို စာတွေ့၊ လက်တွေ့ များဖြင့် ကိုယ်တိုင်ထုတ်လုပ်နိုင်သည်အထိ သင်ကြားပေးသွားမည်ဖြစ်ကာ တောင်တလုတ်ရေကျော်ကျေးရွာ နှင့်ပတ်ဝန်းကျင်ကျေးရွာများမှ သင်တန်းသား/သူ(၁၅)ဦး တက်ရောက်၍ သင်တန်းကာလမှာ ဇူလိုင် ၄ ရက်မှ ၈ ရက်အထိ (၅) ရက်ဖြစ်ကြောင်းသိရသည်။
