စဉ့်ကူး ၂၀၂၂ ခုနှစ်၊ ဇွန်လ ၂၇
သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ၊မန္တလေးတိုင်းဒေသကြီး၊ ပြင်ဦးလွင်ခရိုင်၊ စဉ့်ကူးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၂ - ၂၀၂၃ ခု ဘဏ္ဍာရေးနှစ် ပြည်ထောင်စုဘတ်ဂျက် ငွေလုံးငွေရင်း ရန်ပုံငွေဖြင့် ရွှေပြည်သစ္စာ ကုမ္ပဏီ မှ တင်ဒါအောင်မြင်ပြီး တာဝန်ယူ ဆောင်ရွက်နေသော မိုးကောင်းကြီးကျေးရွာ ကုန်ထုတ်လမ်း ဆောင်ရွက်နေမှု အား (၂၇.၆.၂၀၂၂ )ရက်နေ့က စဉ့်ကူးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး-ဦးနိုင်အောင်စိုး နှင့် အင်ဂျင်နီယာ ဝန်ထမ်းများမှ ကွင်းဆင်းစစ်ဆေးခဲ့ပါသည်။
အဆိုပါ မိုးကောင်းကြီးကျေးရွာ ကုန်ထုတ်လမ်းပြီးစီးပါက ဒေသခံတောင်သူများ၏ စိုက်ပျိုးသီး နှံများ စျေးကွက်သို့ ရောင်းချနိုင်ရေးအတွက် အချိန်မှီ တင်ပို့ သယ်ဆောင်နိုင်မည်ဖြစ်ပြီး ရာသီမရွေး တောင်သူများ၏ စိုက်ပျိုးမြေဧက (၁၂၅၀) ကို အကျိုးပြုနိုင်မည်ဖြစ်ကြောင်း စဉ့်ကူးမြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန မြို့နယ်ဦးစီးမှူး -ဦးနိုင်အောင်စိုး ထံမှ သိရှိရပါသည်။
ဝင်းဘို
အကြီးတန်းစာရေး
စဉ့်ကူးကျေးလက်
