တောင်ကုတ်မြို့နယ်  ကျေးလက်ဒေသ ဖွံ့ဖြိုးတိုးတက်ရေးဦးစီးဌာမှ မြို့နယ်ဦးစီးမှူး ဒေါ်တင်တင်ကြည် သည်   တာဝန်ခံအင်ဂျင်နီယာ၊တင်ဒါအောင်ကုမ္ပဏီများမှ တာဝန်ခံများနှင့်အတူ အရှေ့ဘက်‌ကျေးရွာအုပ်စု၊ ကံဆိပ်တောင်ကျေးရွာသို့  အောက်တိုဘာလ၂ ရက်နေ့က တည်ဆောက်ရေး လုပ်ငန်းများ ဆောင်ရွက်နိုင်ရေး ကွင်းဆင်းဆောင်ရွက်ခဲ့ပါသည်။

အဆိုပါကျေးရွာတွင် ၂၀၂၃-၂၀၂၄ ခု ဘဏ္ဍာရေးနှစ် ပြည်နယ်အစိုးရရန်ပုံငွေဖြင့်  ဆောင်ရွက်မည့် ကံဆိပ်တောင်ကျေးရွာ ဆိပ်ခံဆင်းလမ်းကွန်ကရစ်ခင်းခြင်းအား တက်ဘုန်းရောင်တိုးကုမ္ပဏီမှ (lot-32) ၁၆၅၀’×၁၂’×၇’’ (၉၇.၇၅၈) ကျပ်သန်းနှင့် တောင်ကုတ်ရိုးမကုမ္ပဏီမှ(lot-33) ၁၆၅၀’×၁၂’×၇’’ (၉၇.၆၉၈) ကျပ်သန်းတို့ဖြင့် တင်ဒါအောင်မြင်ပြီး လုပ်ငန်းများ အသီးသီးဆောင်ရွက်သွားမည် ဖြစ်ကြောင်းသတင်းရရှိပါသည်။