ရခိုင်ပြည်နယ်၊ ပေါက်တောမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ကျေးလက်ဒေသနေပြည်သူများ လူမှုစီပွားဘဝဖွံ့ဖြိုးတိုးတက်လာစေရန် ရည်ရွယ်၍ ဆောင်ရွက် လျက်ရှိသည့် မြစိမ်ရောင်စီမံကိန်းအရင်းမပျောက်မတည်ရန်ပုံငွေဝင် ကျေးရွာဖြစ်သည့် တောင်ပုတ်ကေကျေးရွာမှ ကျေးရွာစီမံကိန်းလုပ်ငန်းအဖွဲ့ဝင်များနှင့် တွေ့ဆုံကာ မြစိမ်းရောင် ကျေးရွာစီမံကိန်း၏ ရည်ရွယ်ချက်များ၊ စီမံကိန်းဆောင်ရွက်ရခြင်း၏ အကျိုးကျေးဇူးများနှင့် လုပ်ငန်းစဉ်များကို မြို့နယ်ဦးစီးမှူးမှ ရှင်းလင်းပြောကြားပြီး ယနေ့ နေ့ချင်းဆပ် ထုတ်ချေးသည့် စနစ်ဖြင့် ဆောင်ရွက်ခဲ့ပါသည်။
တောင်ပုတ်ကေကျေးရွာ မြစိမ်းရောင်ရန်ပုံငွေစီမံကိန်း(နဝမ)အကြိမ်မြောက် ထုတ်ချေးရာ တွင် စိုက်ပျိုးရေး ( ၄၃ ) ဦးအား ရန်ပုံငွေ (၆၉၀၀၀၀ဝ/-)၊မွေးမြူရေး( ၂၀ ) ဦးအား ရန်ပုံငွေ (၉၀၀၀၀၀ဝ/-)၊ ရေလုပ်ငန်း( ၂၇ )ဦးအား ရန်ပုံငွေ(၁၃၂၀၀၀၀ဝ/-)၊ အရောင်းအဝယ်( ၄၆ )ဦးအား ရန်ပုံငွေ (၁၂၉၀၀၀၀ဝ/-)၊ အသင်းသူ/အသင်းသား စုစုပေါင်း(၁၃၆)ဦးအတွက် ရန်ပုံငွေစုစုပေါင်း ကျပ်(၄၂၀၀၀၀၀ဝ/-)အား ကျေးရွာမြစိမ်းရောင်စီမံကိန်းလုပ်ငန်းအဖွဲ့မှ မြို့နယ်မြစိမ်းရောင်စီမံကိန်း လုပ်ငန်းအဖွဲ့သို့ လည်းကောင်း၊ မြို့နယ်မြစိမ်းရောင်စီမံကိန်းလုပ်ငန်းအဖွဲ့ မှ ကျေးရွာမြစိမ်းရောင် စီမံကိန်းလုပ်ငန်းအဖွဲ့သို့ ယနေ့ နေ့ချင်းထုတ်ပေးသည့်စနစ်ဖြင့် ဆောင်ရွက်ပေးခဲ့ကြောင်း သတင်းရရှိပါသည်။
