ပြင်ဦးလွင်မြို့ နောင်လှိုင်ကျေးရွာတွင် မြေသားရေကန်တူးဖော်ခြင်းလုပ်ငန်းဆောင်ရွက်နေမှုအား ကွင်းဆင်းခြင်း
ပြင်ဦးလွင် စက်တင်ဘာ ၂၇
ပြင်ဦးလွင်ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ခရိုင်ဦးစီးမှူး ဦးဇေယျာညို၊ ပြင်ဦးလွင်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဦးထိုက်၊ ခရိုင်နှင့် မြို့နယ်ရှိ တာဝန်ခံအင်ဂျင်နီယာများမှ ပြင်ဦးလွင်မြို့နယ် နောင်လှိုင်ကျေးရွာအုပ်စု၊ နောင်လှိုင် ကျေးရွာ တွင် မြေသားရေကန် တူးဖော်ဆောင်ရွက်နေမှုအား ယနေ့နံနက်ပိုင်းအချိန်က သွားရောက် ကြည့်ရှု စစ်ဆေးခဲ့ပါသည်။
ပြင်ဦးလွင်မြို့နယ် နောင်လှိုင်ကျေးရွာအုပ်စု၊ နောင်လှိုင်ကျေးရွာရှိ မြေသားရေကန်တူးဖော် ဆောင်ရွက်ခြင်းလုပ်ငန်းအား ၂၀၂၃-၂၀၂၄ ခုဘဏ္ဍာရေးနှစ် ပြည်ထောင်စုရန်ပုံငွေ (၁၉.၈)သန်းဖြင့် ပြင်ဦးလွင်ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ တာဝန်ယူဆောင်ရွက်လျက်ရှိပါသည်။
ဆက်လက်၍ ခရိုင်ဦးစီးမှူး ဦးဇေယျာညိုမှ လုပ်ငန်းနှင့်ပတ်သက်၍ လိုအပ်သည်များ လမ်းညွှန် မှာကြားခဲ့ပြီး သတ်မှတ်စံညွှန်းများနှင့်အညီ ဆောင်ရွက်ရန် မှာကြားခဲ့ပါသည်။
