တံတားဦးမြို့နယ် အုတ်ကျွတ်ဖိုကျေးရွာ၌ မြစိမ်းရောင်ကျေးရွာစီမံကိန်းလုပ်ငန်းလုပ်ငန်းအဖွဲ့အသစ်ပြန်လည်ဖွဲ့စည်း
တံတားဦး၊စက်တင်ဘာ ၁၅
မန္တလေးတိုင်းဒေသကြီး၊တံတားဦးခရိုင်၊တံတားဦးမြို့နယ်ကျေးလက်ဒေသဖွံ့ဖြိုးတိုး တက်ရေးဦး စီးဌာနက ကျေးလက်နေပြည်သူများ၏ အလုပ်အကိုင်အခွင့်အလမ်းနှင့်မိသားစုဝင်ငွေတိုးပွားခြင်းဖြင့် ကျေးလက်ဒေသများတွင် ဆင်းရဲမှုလျော့ချနိုင်စေရန် ရည်ရွယ်၍ မြစိမ်းရောင်ကျေးရွာစီမံကိန်း လုပ်ငန်းအသစ်အဖွဲ့ ပြန်လည်ဖွဲ့စည်းခြင်းကို ယနေ့နံနက်ပိုင်းက အုတ်ကျွတ်ဖိုကျေးရွာ ဓမ္မာရုံ၌ ကျင်းပပြု လုပ်ခဲ့ကြောင်းသိရသည်။
ရှေးဦးစွာ တံတားဦးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ် စီမံကိန်း တာဝန်ခံ ဦးစီးအရာရှိ ဒေါ်ဟန်စုနိုင် ကမြစိမ်းရောင်ကျေးရွာစီမံကိန်း ရည်ရွယ်ချက်များ ၊စီမံကိန်း လုပ်ငန်းစဉ်များရှင်းလင်းခြင်း၊ ကျေးရွာလုပ်ငန်းအဖွဲ့အား ဖွဲ့စည်းရွေးချယ်ရသည့် စည်းကမ်း ချက်များ၊ ကျေးလက်ဒေသဖွံ့ဖြိုးတိုးတက်ရေးဥပဒေပါ ကျေးလက်နေပြည်သူများ၏ တာဝန်များ၊ ရပိုင် ခွင့်များ၊ ပြစ်မှုပြစ်ဒဏ်များနှင့်ပတ်သက်၍ ဥပဒေပါအချက်များအား ကျေးရွာသူ၊ ကျေးရွာ သားများ လိုက်နာ ကျင့်သုံးနိုင်ရန်ချပြရှင်းလင်းပြီး ကျေးရွာသူ၊ ကျေးရွာသားများအပေါ် မြို့နယ်စီမံကိန်း တာဝန်ခံ က ပြန်လည်ဆွေးနွေးဖြေကြားသည်။
ထိုနောက် အုတ်ကျွတ်ဖိုကျေးရွာ မြစိမ်းရောင်ကျေးရွာစီမံကိန်း လုပ်ငန်းအဖွဲ့ဝင် အသစ်(၉)ဦးအားကျေးရွာသူ၊ကျေးရွာသားများက ဆန္ဒမဲပေးစနစ်ဖြင့် ရွေးချယ်ဖွဲ့စည်းခဲ့ ကြောင်း သိရ သည်။ အုတ်ကျွတ်ဖိုကျေးရွာတွင် မြစိမ်းရောင်ကျေးရွာစီမံကိန်းလုပ်ငန်းအဖွဲ့အသစ်ပြန်လည်ဖွဲ့စည်းပြီး Digital Mobile Financial pyament စနစ်ဖြင့် အဌမအကြိမ်မြောက် အသင်းသား ၁၅၁ ဦး အားပြန် လည် ထုတ်ချေးနိုင်ရေး ဆောင်ရွက်လျှက်ရှိပါကြောင်း တံတားဦးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှစီမံကိန်းတာဝန်ခံ ဒေါ်ဟန်ဆုနိုင်ဦးစီးအရာရှိပြောပြ၍သိရသည်။
