မိုးညှင်းမြို့နယ် ခုနစ်မိုင်ကျေးရွာ၌ သောက်သုံးရရရှိရေး လုပ်ငန်းဆောင်ရွက်မှုအား ခရိုင်ဦးစီးမှူး မှ ကွင်းဆင်းစစ်ဆေး
မိုးညှင်း စက်တင်ဘာ ၇
ကချင်ပြည်နယ်၊ မိုးညှင်းခရိုင်၊ မိုးညှင်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၃-၂၀၂၄ ဘဏ္ဍာနှစ်တွင် ပြည်ထောင်စုခွင့်ပြုရန်ပုံငွေဖြင့် ခုနစ်မိုင်ကျေးရွာ၌သောက်သုံးရေရရှိရေး လုပ်ငန်း များ ဆောင်ရွက်နေမှု အခြေအနေကို စက်တင်ဘာ ၇ ရက်နေ့ကကွင်းဆင်းစစ်ဆေးခဲ့ကြောင်းသိရသည်။
ထိုသို့ကွင်းဆင်းစစ်ဆေးရာတွင် မိုးညှင်းခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာနခရိုင်ဦးစီးမှူး ဦးထွန်းထွန်းဝင်း မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးဌေးမြင့် နှင့် တာဝန်ခံ အင်ဂျင်နီယာတို့က ကျေးရွာကော်မတီဝင်များနှင့်အတူကွင်းဆင်းစစ်ဆေးကြပြီး မိုးမြင့်သဒ္ဓါ ကုမ္ပဏီမှ တာဝန်ရှိသူများက လုပ်ငန်းဆောင်ရွက်ထားရှိမှု အခြေအနေများ ကို ရှင်းလင်းတင်ပြရာ အဆိုပါတင်ပြမှုအပေါ် ခရိုင်ဦးစီးမှူးနှင့်တာဝန်ရှိသူများက လုပ်ငန်းများသတ်မှတ်စံချိန်စံညွှန်းများ နှင့် အညီ ပြည့်မီစွာဆောင်ရွက်နိုင်ရေး သတ်မှတ်ကာလအတွင်းအချိန်မီပြီးစီး အောင်ဆောင်ရွက်နိုင်ရေး မှာကြားခဲ့ပြီး လုပ်ငန်းများအလျင်အမြန်အကောင်အထည်ဖော်ဆောင်ရွက်နိုင်ရေးအတွက် လိုအပ်သည် များပေါင်းစပ် ဆောင်ရွက်ပေးခဲ့သည်။
အဆိုပါခုနစ်မိုင်ကျေးရွာတွင်နက်တူးဖော်ခြင်း လုပ်ငန်းတွင်အလျားပေ ၁၆၂၀၀ရှိ စိမ့်စမ်းရေသွယ်တန်း ခြင်းလုပ်ငန်း အလျား၂၅ပေ အနံ သုံးပေ နှင့် အမြင့် ငါးပေရှိ ရေတားတမံတည်ဆောက်ခြင်း၊ဂါလံ ၅၀၀၀ ဆံ့ ရေစုကန်နှစ်ကန် တည်ဆောက်ခြင်း လုပ်ငန်းများကို ၂၀၂၃-၂၀၂၄ ခုဘဏ္ဍာနှစ် ပြည်ထောင်စုခွင့်ပြုရန်ပုံငွေ ကျပ် ၆၁ ဒသမ ၈၇၅ သန်းဖြင့် မိုးမြင့်သဒ္ဓါကုမ္ပဏီ က ဇူလိုင်လဒုတိယ ပတ်က စတင်အကောင်အထည်ဖော်ဆောင်ရွက်ခဲ့ရာယခုအခါလုပ်ငန်းများ ၈၀% ခန့် ပြီးစီးပြီ ဖြစ်ကြောင်းသိရသည်။
(၇.၉.၂၀၂၃)ရက်နေ့ မြဝတီရုပ်သံသတင်း ညနေ(၆ )နာရီ ပြည်တွင်း သတင်းတွင်ပါရှိသည်။
