အမ်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ၂၀၂၃-၂၀၂၄ခု ဘဏ္ဍာရေးနှစ်၊ ပြည်နယ်အစိုးရရန်ပုံငွေဖြင့် ဆည်းလည်းသာကုမ္ပဏီလိမိတက်မှ တာဝန်ယူဆောင်ရွက်သည့် အမ်းခရိုင်၊ အမ်းမြို့နယ်၊ ဂါယ်လောင်းကျေးရွာ ကျေးလက်အိမ်ရာ(၆)လုံး တည်ဆောက်ခြင်းလုပ်ငန်း စတင်ဆောင်ရွက်နေမှုအား ခရိုင်ဦးစီးမှူး ဦးမောင်မောင်စိုး၊ ခရိုင်အင်ဂျင်နီယာ ဒေါ်စုစုလှိုင်၊ မြို့နယ်အင်ဂျင်နီယာ ဦးကျော်ဌေးလွင်နှင့် ကုမ္ပဏီမှတာဝန်ရှိသူများ လိုက်ပါ၍ (၄.၉.၂၀၂၃) ရက်နေ့က ကွင်းဆင်းစစ်ဆေးခဲ့ပြီး လိုအပ်သည်များ ညွှန်ကြားခဲ့ကြောင်း သိရှိရပါသည်။
ဦးစီးဌာနမှကွင်းဆင်းဆောင်ရွက်ခြင်းဖြင့် လုပ်ငန်းများ ကြန့်ကြာမှုမရှိစေဘဲ အချိန်မှီပြီးစီးနိုင်ရေးအတွက် ကျေးရွာသူ/သားများနှင့်တွေ့ဆုံ၍ ပေါင်းစပ်ညှိနှိုင်းဆောင်ရွက်ပေးခဲ့ပြီး ကုမ္ပဏီတာဝန်ရှိသူများနှင့်တွေ့ဆုံ၍ အရည်အသွေးပြည့်မှီစေရေးနှင့် အချိန်မှီပြီးစီးအောင် ဌာနမှ ပူးပေါင်းဆောင်ရွက်သွားမည်ဖြစ်ကြောင်းသတင်းရရှိပါသည်။
