ရန်ကုန်တိုင်းဒေသကြီး တွံတေးခရိုင် တွံတေးမြို့နယ် ခတ္တိယကျေးရွာအုပ်စု၊ ညောင်ရွာကျေးရွာ၊ ဘုန်းတော်ကြီးကျောင်းတွင် ဖွင့်လှစ်ခဲ့သော အသက်မွေးဝမ်းကျောင်း အထောက်အကူပြု တစ်လုံးထိုးအင်ဂျင်စက်ပြင်သင်တန်းဆင်းပွဲကို ဩဂုတ်လ(၂၂)ရက် နံနက်(၁၀)နာရီက ကျင်းပခဲ့ကြောင်း သိရသည်။

အခမ်းအနားတွင် တွံတေးခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဦးနေဝင်းက အဖွင့်အမှာစကားပြောကြားသည်။ တွံတေးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်ယဉ်ယဉ်ဌေးက သင်တန်းမှ ရရှိသော အတတ်ပညာများကို စင်ဆက်မပြတ်လေ့လာသင်ယူပြီး မိမိတို့ဘဝ တိုးတက်ရာ တိုးတက်ကြောင်းအတွက် လက်တွေ့နယ်ပယ်တွင် အကောင်အထည်ဖော်ဆောင်ရွက်ပြီး မိမိ မိသားစုစီးပွားရေးကို အထောက်အကူပြုနိုင်ရန် ကြိုးစားကြရန်ပြောကြားခဲ့သည်။ယင်းနောက် သင်တန်းသားများကို တာဝန်ရှိသူများက ပေးအပ်ခဲ့ပြီး အမှတ်တရ ဓာတ်ပုံများရိုက်ကူးခဲ့သည်။အဆိုပါ သင်တန်းသို့ သင်တန်းသား(၂၀)တက်ရောက်ခဲ့ပြီး သင်တန်းနည်းပြက စာတွေ့လက်တွေ့ (၁၄)ရက်ကြာ သင်တန်းပို့ချခဲ့ကြောင်း သိရသည်။